MZ တွင်ရေးသော ပထမဦးဆုံးသောဆောင်းပါး

မနေ့က ဆိုင်မှာ Customer တစ်ယောက်လာမေးပါတယ်။
ကျွန်တော့်ထက်အသက်ကြီးပုံရတယ်။ ဒါပေမယ့် ရိုရိုသေသေနဲ့ သူမေးပါတယ်။
မေးခွန်းက...........အစ်ကိုတို့လို့ အင်တာနက် ကျွမ်းကျင်အောင် ဘယ်မှာ ဘာသင်တန်းတွေ တက်ရလဲတဲ့။
ကျွန်တော် ကြောင်သွားတယ် ဘာဖြစ်လို့လဲ ဆိုတော့ ကျွန်တော်သင်တန်းတက်ထားတာ နှစ်ခုပဲရှိတယ်
(Basics ကို အလကားတစ်ခါ ပိုက်ပိုက်ပေးပြီး Informatics မှာတစ်ခါတက်ဖုးတယ်
Graphic ကိုတော့ နာမည်ကျီး KMD မှာ တက်ဖူးတယ်)
ကျွန်တော်က ပြန်ပြောလိုက်ပါတယ် "ကျွမ်းကျင်ချင်ရင်တော့ အင်တာနက် ကိုအချိန်ပေးပြီး သုံးကြည့်ပါ"
လို့ သို့မဟုတ်ရင် တော့ မရဘူးလို့။

ပြောသာပြောလိုက်တာ စဉ်းစားစရာလေးဖြစ်နေတယ်။
အင်တာနက် ကျွမ်းကျင်ချင်ရင် အချိန်ပေးပြီး သုံးရင် ကျွမ်းကျင်သွားမလား ?????
ကျွန်တော် သုံးလာတဲ့ History လေးပြောကြည့်မယ်ဗျား

အင်ဖော်မက်တစ်က နေအင်တာနက်ကို စပေးလိုက်ပါတယ်။ Free Account Mail လေးတစ်ခုနဲ့ စပေးလိုက်ပါတယ်။ မမှတ်မိတော့ဘူး ဘယ်မှာလည်းဆိုတာကိုတော့။ သူတို့ကနေ အင်တာနက် ပေးသုံးရင် bagan.net.mm and planet.com.mm ဒါပဲသုံးတာသင်ပေးလိုက်တယ်
သူတို့ပေးသုံးရင်လည်း ကျွန်တော် ဒါပဲသုံးတယ် တခြားဘာကိုဘာမှမသုံးတက်ဘူး

Mict မှာပွဲလုပ်သမျှသွားတယ်။(ဒီနှစ်ပဲမရောက်ဖြစ်တာ) မဝယ်ပေမယ့်လည်း သူတို့ပေးတဲ့ လက်ကမ်းစာစောင်တွေသယ်လာ အိမ်ရောက်တော့ဖတ် လိုချင်တာလေးတွေမှတ်ထားတယ်။

Company မှာလုပ်တုန်းက Document ပိုင်းရောက်တော့ Outside တွေရလာတယ်။
အိမ်ကိုလည်း ပြန်မသယ်သွားချင်ဘူး။ အဲဒီတုန်းက ချိန်းတွေ့ရမယ့်သူလည်းမရှိတော့။ ဈေးပေါသော
တစ်နာရီမှ 300 သာပေးရသည့် မြို့ထဲကဆိုင်မှာသွားသုံးတယ်။ ဘာမှမလုပ်တက်ဘူး သူများလုပ်တာတွေလျှောက်ကြည့်တယ်။ သူများဘာဝင်ခဲ့လဲ လိုက်ကြည့်တယ်။
Gmail တောင်မရှိဘူး၊အဲဒီတုန်းက။ နောက်ပိုင်းမှာတော့ ဂျီမေးလေးလုပ်တက်လာတယ်။
နောက်ပိုင်း ကမ်းနားသွားထိုင်တော့ မသုံးဖြစ်တော့ဘူး။ တစ်လ နှစ်လလောက်မသုံးဖြစ်ပဲ
သူလည်းအလုပ်ထွက်သွား၊ တော့ ဆက်တိုက်သုံးဖြစ်တယ် အဲဒီမှာမှ ဂျီမေး စသိလာတယ်

ကံကောင်းချင်တော့ ဒုတိယနှစ် ကျူရှင်တက်တော့ အခုကျွန်တော်လုပ်တဲ့ ဆိုင်က အစ်ကိုကြီး(8vilboy) နဲ့ခင်သွားပါတယ် အဲဒါနဲ့ပဲ ကျွန်တော် ပိုသိလာရတယ်

နောက်ပိုင်း Co., ထွက်ပြီးနောက်ပိုင်း အင်တာနက် ဆိုင်မှာစလုပ်ဖြစ်တယ်။ ပထမတော့ချက်တင်ပဲဗျ နောက်ပိုင်းမှာမှ အင်တာနက် အရသာကိုသိလာတော့တယ်

အဲ.....အတွင်းရေးတွေပြောနေတာနဲ့ ပဲ ဘယ်ရောက်သွားမှန်းမသိဘူး

ကျွန်တော်သိချင်တာကလေ

တကယ်လို့ အင်တာနက် ကျွမ်းကျင်ချင်ရင် အချိန်ပေးပြီးသုံးသင့်သလား

သို့မဟုတ် အင်တာနက် သင်ပေးတဲ့ သင်တန်း ကိုတက်မှ အင်တာနက်တက်မှာလား